Fréttir

Íslendingar búsettir erlendis

Íslenski vefurinn er eingöngu fyrir innlendar pantanir. Verðið er með VSK og sendingar til annarra landa eru ekki í boði. Allar pantanir sem sendast eiga til annarra landa þurfa að koma í gengum ensku búðina okkar, www.sunfilm.is . Verðið í þeirri búð er í USD og án VSK.


 

Maí 2016

Tunguháls 8

Í lok seinasta árs flutti fyrirtækið í nýtt og um helmingi stærra húsnæði við Tunguháls 8. Aðstæður eru hér miklu betri, en í Auðbrekkunni, sem var orðin allt of lítil. Mikið af nýjum vörum líta dagsins ljós á þessu ári. Sumt er komið og annað á leiðinni. Vörusýning í Kína núna í apríl var árangursrík og eru ýmsir nýir vöruflokkar í farvatninu á næsta ári í framhaldi af þeirri heimsókn.


 Mars 2015

Ár frá opnun

Nú er um ár liðið frá því að nýi vefurinn okkar opnaði. Heildsöluvefurinn hefur sýnt og sannað ágæti sitt og eru margir viðskiptavinir okkar sem eingöngu panta eftir þeirri leið. Smásöluvefurinn á ensku og til útflutnings hefur jafnframt gengið vel og er sú sala farinn að skipa mun stærri sess í fyrirtækinu en áður. Mikið af nýjungum hafa litið dagsins ljós á síðasta ári og enn bætum við í póstkorta útgáfuna, en við leggjum nú sérstaka áherslu á stærri kortin (120*170mm). Af öðrum vörum má nefna litla gler-lundann og víkingaskip úr Tin-líki, en þessar vörur hafa verið geysi vinsælar. Vöxtur fyrirtækisins hefur verið mikill á undanförnum árum og hefur salan aukist sérstaklega mikið yfir vetrarmánuðina. Nú er svo komið að ekki verðut komist hjá því að flytja reksturinn í stærra húsnæði og stefnum við að því að flytja fyrir árslok.  
 


06.02.14

Heildsöluvefur í loftið

Nýr heildsöluvefur Sólarfilmu hefur nú verið tekinn í notkun. Hann er einkum ætlaður þeim viðskiptavinum sem ekki fá reglulegar heimsóknir frá sölumönnum okkar, og geta þeir viðskiptavinir nú skráð sig inn á vefsíðuna, gengið frá pöntunum með auðveldum hætti og séð sölusögu sína auk margra annarra eiginleika sem vefurinn hefur upp á að bjóða.

Viðskiptavinir geta sótt um aðgang að heildsöluvefnum með því að senda okkur póst á solarfilma@solarfilma.is og þá er einnig í boði að fá kennslu um notkun vefsíðunnar, sé þess óskað.
 


Ný Vefverslun

Sólarfilma hefur starfrækt vefverslun allt frá árinu 2000. Í byrjun var eingöngu um útflutning að ræða, en í fyrra opnuðum við í fyrsta skipti íslenska vefverslun með okkar vörur. Á undanförnum mánuðum hefur verið unnið að endurbótum á þessum vef í samvinnu við fyrirtæki á Indlandi og var ný vefverslun opnuð um miðjan nóvember. Þessi vefur býður uppá ýmsar nýjungar, m.a. það að senda vini ábendingu um vöru. Einnig er hægt að skrá sig sem viðskiptavin og hafa þannig yfirlit yfir fyrri pantanir o.fl. 

Loading...